日本研究最強咖啡飲法!最好呢個時間飲/1日4杯無問題?

日本研究最強咖啡飲法!

最好呢個時間飲/1日4杯無問題?

咖啡提神一流,香港打工仔出名工時長,成日要開OT做嘢,但好難成日時時刻刻都咁精神、有集中力喎!想提高注意力嘅時候,多數會諗到飲咖啡,不過,傳聞飲咖啡好傷胃,咁你就要睇睇日本醫生點講,教你「咖啡最強飲法」!

日本專家教 咖啡最強飲法!

1. 咖啡功效

眾所周知,咖啡中含有嘅咖啡因有醒神作用,而且亦有提升集中力嘅效果。但呢啲只係一時嘅短暫性效果,長遠嚟睇,咖啡更加可以保持血管同腦部健康!心肌梗塞同腦中風係常見都市病,主要係因為血管酸化,導致動脈硬化並變得脆弱,有機會引致「爆血管」嘅危險。而其實,咖啡係可以有效預防呢類疾病! 咖啡嘅提神作用只屬短期效果。

咖啡因多數畀人一種負面印象,但實際上對血管有良好嘅功效。咖啡因可有助血管擴張,令血液流動暢通。對腎臟血管嘅擴張更是有效,能強化過濾血液嘅功能,令血液保持乾淨健康。除咗咖啡因,另一種健康成分稱為「綠原酸」。綠原酸帶有抗酸化作用,可有效保護血管,防止因酸化而引致爆血管。綠原酸既可以保護血管,亦都有保護腦部嘅功效。

咖啡因可有助血管擴張,令血液流動暢通。

搶先看最新趣聞請贊下面專頁
用戶評論